ტელეკომპანია “პირველი”-ს ეთერში უფლებადამცველმა ნიკოლოზ მჟავანაძემ პირდაპირ ეთერში თორდია-ფარცხალაძის დაპირისპირების თემასთან დაკავშირებით საუბრისას აღნიშნა, რომ “ნაციონალური მოძრაობისა” და “ევროპული საქართველოს” წევრები კვლავაც ანხორციელებენ უკანონო ჩანაწერებს.
“მოხდა ერთი საგულისხმო ფაქტი, რომელსაც არავინ მიაქცია ყურადღება. “ნაციონალური მოძრაობის” ლიდერმა, ირმა ნადირაშვილმა წარმოადგინა ფირები, როგორ ხდება თვალთვალი. ანუ “ნაციონალური მოძრაობა” კვლავ ვერ იშლის იმ 29 ათასი ვიდეო ფაილის შექმნის ჩვევას.”
მას სტუდიაში დამსწრე “ნაციონალური მოძრაობის” წევრმა მარიკა დათუკიშვილმა შეუსწორა, რომ ნადირაშვილი ამ დროისათვის უკვე “ევროპული საქართველო”-ს წევრია. რაზეც ბატონმა ნიკოლოზმა უპასუხა, რომ პარტიების დასახელებებში არსებით განსხვავებას ვერ ხედავს:
“ჩემთვის პირადად იგივე “ნაციონალები” ხართ, გინდა ევროპული დაირქვით და გინდა აზიური. როგორც ავღნიშნე, წარმოადგინეს ფირები და არავის ამაზე ყურადღება არ გაუმახვილებია. ეს ქმედაბა კი, რაც “ევროპულმა ნაციონალებმა” გააკეთეს, სისხლის სამართლის დანაშაულია. ესეიგი ისინი სისტემატიურად უთვალთვალებდნენ ფარცხალაძის ოჯახს. ვეტყვი ფარცხალაძეს, საძინებელი შეამოწმოს. იქნებ იქაც არის კამერები დაყენებული. “ნაციონალური მოძრაობისგან” არაფერია გასაკვირი.” – განაცხადა ნიკოლოზ მჟავანაძემ ვახო სანაიას შოუში.