საფრანგეთის პრეზიდენტმა, ემანუელ მაკრონმა განაცხადა, რომ ბრიტაბულ-ფრანგული პარტნიორობა ახალ ეპოქაში შედის, სადაც როგორც საფრანგეთს, ასევე გაერთიანებულ სამეფოს ეკისრებათ „განსაკუთრებული პასუხისმგებლობა“ ევროპის უსაფრთხოების დასაცავად.
დიდი ბრიტანეთის პარლამენტის ორივე პალატისადმი მიმართვისას, მაკრონმა განაცხადა, რომ ლონდონსა და პარიზს ევალებათ „საერთაშორისო წესრიგის დაცვა“.
„ჩვენს ორ ქვეყანას განსაკუთრებული პასუხისმგებლობა ეკისრება კონტინენტის უსაფრთხოებაზე. დღეს ევროპაში სასწორზე დგას ჩვენი უნარი, რომ უფრო მეტად ავიღოთ საკუთარ თავზე პასუხისმგებლობა ჩვენი კონტინენტის უსაფრთხოების უზრუნველსაყოფად“, – აღნიშნა საფრანგეთის პრეზიდენტმა.
„ჩვენ გვჭირდება ჩვენი საზოგადოებისა და ეკონომიკის რისკების შემცირება… ჩვენ გვჭირდება შეერთებულ შტატებსა და ჩინეთზე გადაჭარბებული დამოკიდებულების რისკების შემცირება“, – დასძინა მან.