რა ხდება დღეს მსოფლიოში? ვიჩოქებთ ძლევამოსილი ქვეყნების წინაშე, რომლებსაც სურთ იყვნენ მსოფლიოს მმართველები?! – განაცხადა სლოვენიის პარლამენტის თავმჯდომარე ურსკა კლაკოჩარ ზუპანციემ დუბროვნიკის ფორუმის გახსნით სესიაზე სიტყვით გამოსვლისას.
მისივე თქმით, ევროკავშირი იყო ოცნება, ოცნება ქვეყნებზე, განსხვავებულ ერებზე, განსხვავებულ ეთნიკურ ჯგუფებსა და განსხვავებულ რელიგიებზე.
„სად არის ევროპელი ხალხის ერთიანი ხმა, როდესაც მსოფლიოში სისასტიკეებს ეხება საქმე, იქნება ეს ევროპასთან ახლოს თუ უფრო მოშორებით? რატომ ვდუმვართ? და რატომ ვაკვირდებით? ან მხოლოდ ერთი-ორ სიტყვას ვიტყვით და არაფერს ვაკეთებთ.
რატომ არაფერს ვაკეთებთ გულწრფელად რომ ვთქვათ?! ახლა, თქვენ წინაშე ვდგავარ და გთხოვთ, არ იყოთ ჩუმად, არ იყოთ უმოქმედოდ. სიცოცხლის გადარჩენა ამად ღირს. იქნება ეს ისრაელის, პალესტინის, უკრაინის თუ რუსეთის მხარე. ევროკავშირო, გაიღვიძე! დროა გაიღვიძო და ღირებულებებით იცხოვრო. დაიწყო იმ ღირებულებების განხორციელება, რომელსაც ასე მტკიცედ ემხრობი – დემოკრატია, ადამიანის უფლებები, კანონის უზენაესობა, კაცობრიობის დაცვა. ასე გვამოძრავებს კაპიტალი, რომ ვერ ვხედავთ რა ხდება ჩვენს თვალწინ? ვიმედოვნებ, რომ ადამიანობა გაიმარჯვებს. ვიმედოვნებ, რომ ევროკავშირი ფეხზე წამოდგება და დაიწყებს იმის კეთებას, რაზეც ამდენი წელია ვსაუბრობთ. კაცობრიობა უპირველეს ყოვლისა“, – აღნიშნა მან.