ვლადიმერ პუტინმა დონალდ ტრამპს და ირანის ოფიციალურ წარმომადგენლებს განუცხადა, რომ მხარს უჭერს ბირთვული შეთანხმების იდეას, რომლის მიხედვითაც, ირანი ურანის გამდიდრებას ვერ შეძლებს. ცნობას Axios-ი ანონიმურ წყაროებზე დაყრდნობით ავრცელებს.
გამოცემის ორი წყაროს თქმით, პუტინმა თეირანს ასეთ შეთანხმებაზე დათანხმება შესთავაზა. როგორც Axios-ი წერს, პუტინმა ეს პოზიცია გასულ კვირას საფრანგეთის პრეზიდენტ ემანუელ მაკრონს სატელეფონო საუბრისას გააცნო, მოგვიანებით კი რუსეთმა პუტინის პოზიციის შესახებ ინფორმაცია ისრაელის მთავრობასაც მიაწოდეს.
ამასთან, Reuters-ის ინფორმაციით, ირანის საინფორმაციო სააგენტომ აღნიშნული ინფორმაცია უარყო და განაცხადა, რომ პუტინს ამ საკითხთან დაკავშირებით ირანთან არ უსაუბრია.
კომენტარები