საფრანგეთში, ლიონ-კორბასის ციხიდან პატიმარი გაიქცა. ის გათავისუფლებული თანასაკნელის ჩანთაში დაიმალა და ციხის შენობიდან ისე გააღწია. ინფორმაციას CNN-ი ავრცელებს.
მედიის ცნობით, ციხის ადმინისტრაციამ პატიმრის გაქცევის შესახებ მხლოდ მეორე დღეს შეიტყო.
გაქცეული პატიმარი 20 წლის ახმად ელაზიდია. მას რამდენიმე სასჯელი უკვე მოხდილი აქვს, ასევე ბრალად ედება ორმაგ მკვლელობაში მონაწილეობა და კრიმინალურ დაჯგუფებასთან კავშირი.
ინტერპოლმა დაკავების საერთაშორისო ორდერი გასცა, რომელიც 196 ქვეყანაში მოქმედებს. პირს, რომლის ჩანთითაც პტიმარმა ციხიდან გააღწია, კვლავ პატიმრობა ემუქრება. მას ციხიდან გაქცევის თანამომაწილეობას ედავებიან. ციხეში შიდა გამოძიებაა დაწყებული.
კომენტარები