“კანონის მიხედვით მუნიციპალიტეტს არ აქვს უფლება მოსახლეობა იძულებით გაიყვანოს თავის საკუთრებაში არსებული შენობიდან”

თბილისის მერიის მედიასთან ურთიერთობის სამსახურის უფროსი მანანა თოქმაჯიშვილი სოციალურ ქსელში პოსტს აქვეყნებს.

“განვმარტავ მათთვის, ვისაც მართლა აინტერესებს, საჭიროა თუ არა მოსახლეობის 100%-იანი თანხმობა ავარიული კორპუსის ჩანაცვლების შემთხვევაში.

დიახ, საჭიროა და აუცილებელი, კორპუსის მესაკუთრე არის თითოეული მოსახლე, ხოლო მესაკუთრის უფლებები დაცულია ამ ქვეყანაში.

რაც შეეხება ავარიული მრავალბინიანი საცხოვრებელი კორპუსების ჩანაცვლების წესში შეტანილ ცვლილებას და თბილისის საკრებულოს შესაბამის დადგენილებას, რის მიხედვითაც მოსახლეობის 100%-იანი თანხმობა საჭირო არაა, იგი შეეხება მხოლოდ და მხოლოდ პროცესის დაწყებას განსაკუთრებულ შემთხვევებში ( გეოლოგიური თუ ურბანული სირთულეები) და არა მოსახლეობის კორპუსიდან გაყვანას. კანონის მიხედვით, მუნიციპალიტეტს არ აქვს უფლება მოსახლეობა იძულებით გაიყვანოს თავის საკუთრებაში არსებული შენობიდან.”