პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე ბიზნეს სექტორთან მომუშავე სამუშაო ჯგუფის ფარგლებში, „გარემოსდაცვითი შეფასების კოდექსში“ შესულ ცვლილებებთან დაკავშირებით, „საქართველოს ბიზნეს ასოციაციის“ წევრი კომპანიების წარმომადგენლებს შეხვდა.ინფორმაციას საქართველოს პარლამენტის პრესსამსახური ავრცელებს.
„გარემოსდაცვითი შეფასების კოდექსში“ ცვლილებები პარლამენტმა გარემოს დაცვისა და სოფლის მეურნეობის სამინისტროსთან და ბიზნეს სექტორთან თანამშრომლობით შეიმუშავა. საკანონმდებლო ცვლილებებით მარტივდება გარემოზე ზემოქმედების შეფასების პროცედურები და მაქსიმალურად გამჭვირვალე და ეფექტიანი ხდება გარემოზე ზემოქმედების შეფასების და გარემოსდაცვითი ნებართვის გაცემის პროცედურები, რაც ბიზნესს აძლევს საშუალებას სწორად დაგეგმოს თავისი საქმიანობა.
შეხვედრის ფარგლებში გარემოს დაცვისა და სოფლის მეურნეობის მინისტრის პირველმა მოადგილემ ნინო თანდილაშვილმა პრეზენტაცია წარადგინა და ბიზნესსექტორის წარმომადგენლებს „გარემოსდაცვითი შეფასების კოდექსში“ შეტანილი ცვლილებები გააცნო.