ჩვენ დავაკვირდით, თუ როგორ თბილად მიიღეს ქალბატონი თამარ ტალიაშვილი და როგორ სწრაფ რეჟიმში მოხდა მისი ელჩად დამტკიცება, – განაცხადა ფრაქცია „ქართული ოცნების“ თავმჯდომარის მოადგილემ ლევან მაჭავარიანმა.
„ეს იმის საფუძველს გვაძლევს ვიფიქროთ, რომ „დიფ სთეითის“ გავლენები სუსტდება აშშ- ში, თუმცა მაინც ძალიან ფრთხილად ვაკვირდებით ამ პროცესებს. ჩვენ ძალიან ვგულშემატკივრობთ ბატონ ტრამპს ამ ბრძოლაში და გარანტირებულად ვიცით, რომ თუ „დიფ სთეითი“ დამარცხდება აშშ-ში, ჩვენი და აშშ-ის ნამდვილი მეგობრობის დაწყებას წინ რა თქმა უნდა ვერაფერი აღუდგება“, – აღნიშნა ლევან მაჭავარიანმა.
საქართველოს საგანგებო და სრულუფლებიანმა ელჩმა თამარ ტალიაშვილმა ამერიკის შეერთებული შტატების პრეზიდენტ დონალდ ტრამპს თეთრ სახლში რწმუნებათა სიგელები გადასცა.
კომენტარები