დიდი ბრიტანეთის საგარეო საქმეთა მინისტრი დევიდ ლემი იმედოვნებს, რომ მისი ქვეყნის მიერ სექტემბერში პალესტინის სახელმწიფოს აღიარების გადაწყვეტილება „ადგილზე არსებულ სიტუაციაზე გავლენას მოახდენს“ და ღაზაში ცეცხლის შეწყვეტამდე მიგვიყვანს.
სამშაბათს, დიდმა ბრიტანეთმა განაცხადა, რომ აღიარებს პალესტინის სახელმწიფოს, თუ ისრაელი ცეცხლის შეწყვეტას არ დათანხმდება და ომის დასასრულებლად ნაბიჯებს არ გადადგამს.
“მსოფლიომ ღაზაში ყველაზე საშინელი სცენები იხილა და დადგა დრო, პალესტინელი ხალხის ტანჯვა შევამციროთ”,- განაცხადა მინისტრმა.
ისრაელის პრემიერ-მინისტრმა, ბენიამინ ნეთანიაჰუმ დიდი ბრიტანეთის გადაწყვეტილება გააკრიტიკა და განაცხადა, რომ „ჰამასის საზარელი ტერორიზმი ამით დაჯილდოვდა”.
კომენტარები