უკრაინა უნგრეთიდან და სლოვაკეთიდან რუსული გაზის იმპორტს ზრდის. ინფორმაციას უკრაინული მედია ავრცელებს.
მედიის ცნობით, 2025 წლის ივლისში უნგრეთიდან იმპორტირებული გაზის მოცულობა 13%-ით გაიზარდა, ხოლო სლოვაკეთიდან – 140%-ით.
გასულ თვეს უკრაინამ უნგრეთიდან 300 მილიონი კუბური მეტრის მოცულობის რუსული გაზი იყიდა, ხოლო სლოვაკეთიდან – 268 კუბური მეტრის.
მედია აღნიშნავს, რომ როგორც უნგრეთი, ისე სლოვაკეთი დიდწილად “თურქული ნაკადის“ მეშვეობით რუსულ გაზს ყიდულობენ.
როგორც გავრცელებულ ინფორმაციაშია აღნიშნული, უკრაინა თავად ევროკავშირის წევრ ქვეყნებს მოუწოდებს უარი თქვან რუსულ ენერგომატარებლებზე, თუმცა, თავად რუსული გაზის ყიდვას შუამავლების მეშვეობით განაგრძობს.
კომენტარები