“კიდევ ერთხელ ვხედავთ, თუ როგორი ორკესტრირებული შეტევა მიმდინარეობდა საქართველოს ინტერესებზე,” – ამის შესახებ პარლამენტის რეგიონული პოლიტიკის კომიტეტის თავმჯდომარემ, ირაკლი ქადაგიშვილმა ვაშინგტონის არბიტრაჟის გადაწყვეტილების შეფასებისას განაცხადა.
მისივე თქმით, ვაშინგტონის არბიტრაჟის გადაწყვეტილებამ სპეკულაციები გამოავლინა.
“ხელისუფლებას პირდაპირ აბრალებდე, რომ რუსეთის, პუტინის დავალებით ჩაშალა ანაკლიის პროექტი, არის სწორედ ის მთავარი ღერძი, რითაც ეს ადამიანები თავიანთ წარუმატებელ საქმიანობას ცდილობდნენ, რომ არამხოლოდ გადაებრალებინათ ხელისუფლებისთვის, არამედ დაეზიანებინათ თვითონ საქართველოს იმიჯი მთელ მსოფლიოში. ახლა ხედავენ, რომ მათი ეს მთელი სპეკულაცია ხუხულასავით ენგრევათ თავზე და იგივე მეთოდს მიმართავენ,” – აღნიშნა ირაკლი ქადაგიშვილმა.
ცნობისთვის, საარბიტრაჟო ტრიბუნალმა საქართველოს მთავრობის მოთხოვნები სრულად დააკმაყოფილა. დადგინდა, რომ ანაკლიის პორტის პროექტის განუხორციელებლობა მამუკა ხაზარაძის, ბადრი ჯაფარიძის და მათი პარტნიორების პასუხისმგებლობაა და საქართველოს მთავრობის მხრიდან რაიმე ფორმით ხელშეშლას ადგილი არ ჰქონია.