ოპიოიდური დამოკიდებულების ჩანაცვლებითი მკურნალობის სახელმწიფო პროგრამაში ჩართვა იმ ბენეფიციარებს, რომლებიც მანამდე სერვისს კერძო სუბიექტებისგან იღებდნენ – დღეიდან 11 აგვისტოს ჩათვლით შეეძლებათ. რეგისტრაციის გავლა, ორშაბათიდან შაბათის ჩათვლით, 15:00-დან 18:00 საათამდე, ფსიქიკური ჯანმრთელობისა და ნარკომანიის პრევენციის ცენტრში ან მის ტერიტორიულ განყოფილებებში იქნება შესაძლებელი.
სახელმწიფო პროგრამაში ჩართვა ასევე ონლაინ არის შესაძლებელი. რეგისტრაციის დასრულების შემდეგ პაციენტი SMS შეტყობინებას მიიღებს, რომელშიც მითითებული იქნება, როდის და სად უნდა გამოცხადდეს წამლის მისაღებად.
დამატებითი ინფორმაციისთვის მისაღებად მოქმედებს ცხელი ხაზიც.
კომენტარები