„ხალხის ძალის“ აღმასრულებელი მდივანი გურამ მაჭარაშვილი ეხმაურება IRI-ის პროგრამების ხელმძღვანელის ჯონ დიპიროს მიერ ოპოზიციისთვის მომზადებულ სამოქმედო გეგმას, სადაც საუბარია რა ნაბიჯები უნდა გადადგას ოპოზიციამ და მითითებულია კონკრეტულ თარიღებიც საპროტესტო აქციებისთვისაც.
„ორი წლის წინ „ხალხის ძალის“ მიერ დაინიციირებულ კანონპროექტს გამჭვირვალობასთან დაკავშირებით ცნობილი რადიკალური პროცესები მოჰყვა. პასუხი გამჭვირვალობის კანონთან დაკავშირებით იყო „ენჯეოებისგან“, მათ შორის IRI-ს წარმომადგენლებისგან, რომ ისედაც გამჭვირვალეა არასამთავრობო სექტორი საქართველოში და არ სჭირდება გამჭვირვალობის შესახებ კანონი.
ჩვენ ვამბობდით, რომ თუ გამჭვირვალეა, ყველა დაფინანსება უნდა იყოს ღია და გასაგები. აღმოჩნდა, რომ არათუ გამჭვირვალე არ არის, არამედ რასაც [უცხოეთიდან] აფინანსებენ, მათივე [არასამთავრობო სექტორის] განმარტებებითაც ჩანს, რომ რადიკალურ პროცესებს, რევოლუციურ სცენარებს, ახალგაზრდების გადაიარაღებაში მომზადებას აფინანსებენ“, – აღნიშნა მაჭარაშვილმა.
IRI-ს პროგრამების ხელმძღვანელმა ჯონ დიპირომ, რომელიც უკვე საქართველოში იმყოფება, ოპოზიციისთვის სამოქმედო გეგმა მოამზადა. პროგრამაში საუბარია, რა ნაბიჯები უნდა გადადგას ოპოზიციამ. ასევე, მითითებულია კონკრეტული თარიღებიც საპროტესტო აქციებისთვის.