წინასაარჩევნო კამპანიის ფარგლებში “ქართული ოცნების” ქვემო სამგორის მაჟორიტარობის კანდიდატი ზაქარია წიკლაური გრიგოლ ლორთქიფანიძის ქუჩის მცხოვრებლებს შეხვდა.
კანდიდატმა ადგილობრივებს თავისი ოთხწლიანი სამოქმედო გეგმა გააცნო, ხოლო მათგან არსებული პრობლემების შესახებ მიიღო ინფორმაცია. შეხვედრაზე აღინიშნა, რომ მოსახლეობას შიდა გზების საფარის დაგება, გარე განათებების მოწყობა და დასახლებაში არსებული სკვერის რეაბილიტაცია სურს. ასევე, ადგილობრივებმა გამოთქვეს სურვილი, რომ ვინაიდან ეს არის საკმაოდ მჭიდროდ დასახლებული უბანი, კარგი იქნებოდა, თუკი საზოგადოებრივი ტრანსპორტი ცენტრალური ქუჩების გარდა უბნებში შემავალ ქუჩებსაც დაფარავდა.
კომენტარები