უბრალოდ იცოდეთ: ქუჩა, სადაც დგას ეუთო-ს თავმჯდომარე (რომელიც ფინეთის საგარეო საქმეთა მინისტრიც გახლავთ), წარმოადგენს დედაქალაქის მთავარ მაგისტრალს, რასაც ხედავთ, არის რამდენიმე ათეული რადიკალის სცენა, რომლებმაც რამდენიმე დღის წინ შტურმით აიღეს პრეზიდენტის სასახლე და დააშავეს 25 პოლიციელი, მათგან ორი მძიმედ, ახლა კი ისინი უკანონოდ ბლოკავენ გზას, – ამის შესახებ საქართველოს პარლამენტის თავმჯდომარე შალვა პაპუაშვილი ელინა ვალტონენის მიერ აქციაზე მისვლასთან დაკავშირებით განაცხადა.
პაპუაშვილის თქმით, საქართველოს კანონმდებლობა, ისევე როგორც ნებისმიერი ეუთო-ს წევრი ქვეყნისა, უზრუნველყოფს შეკრების თავისუფლების გარანტიას ყველგან, თუმცა გზის ბლოკირება დასაშვებია მხოლოდ იმ შემთხვევაში, როდესაც ხალხის რაოდენობა იმდენად დიდია, რომ ისინი ტროტუარზე ვერ ეტევიან.
„ფინეთის მინისტრმა შესაძლოა ეს არ იცოდეს, მაგრამ ვერც ერთ მაგალითს ვერ დაასახელებს ბოლო 13 წლის განმავლობაში, როცა ეს უფლება საქართველოს სახელმწიფომ დაარღვია. მინისტრის ზურგს უკან კი ჩანს პარლამენტის წინ მდებარე მოედანი, სადაც ათჯერ მეტი ადამიანი ეტევა, ვიდრე ის მცირერიცხოვანი ჯგუფი, რომელიც გზას ბლოკავს, მათ შორის თავად ფინეთის მინისტრიც, ისე, რომ მოძრაობა არ შეიზღუდება და შეკრება მშვიდობიანად ჩატარდება. რასაც ახლა იქ ფინეთის მინისტრი და ეუთო-ს თავმჯდომარე აკეთებს, წარმოადგენს საქართველოს კანონმდებლობის დარღვევას. ის ასევე არღვევს ვენის კონვენციის 41-ე მუხლს, რომელიც ირონიულად სწორედ იმ ქალაქში იქნა მიღებული, სადაც ეუთო-ს სათაო ოფისი მდებარეობს. ამით მინისტრი ქართულ საზოგადოებას უჩვენებს, რომ იგი მხარს უჭერს ძალადობრივი გადატრიალების ორგანიზატორებს და წესებზე დაფუძნებული საერთაშორისო წესრიგი სინამდვილეში მხოლოდ ცარიელი ფრაზაა. საინტერესოა ისიც, რომ ფინეთის ხელისუფლება გაცილებით ნაკლებად შემწყნარებელია გზების ბლოკირების მიმართ ჰელსინკიში, ვიდრე თბილისში“, – წერს პაპუაშვილი.
Just so that you know: the street where the @OSCE chairperson (who is also Finnish foreign minister) is standing is the capital city’s main thoroughfare. What you observe is the scene of a few dozen radicals, who stormed the presidential palace a few days ago and injured 25… https://t.co/9gEOU7ZtkI
— Shalva Papuashvili 🇬🇪 (@shpapuashvili) October 15, 2025