თბილისის სატრანსპორტო კომპანია მეტროს პირველ ხაზზე მოძრაობის შეფერხებასთან დაკავშირებით ოფიციალურ განცხადებას ავრცელებს.
მათივე ინფორმაციით, შეფერხების მიზეზი მეტროსადგურ „სამგორში“ მგზავრის მოულოდნელი გარდაცვალება გახდა.
თბილისის სატრანსპორტო კომპანიაში აცხადებენ, რომ პირველ ხაზზე მოძრაობა სრულად მას შემდეგ განახლდება, როდესაც შესაბამისი უწყება საგამოძიებო პროცესს დაასრულებს.
„თბილისის მეტროს პირველ ხაზზე მატარებლების მოძრაობა ნაწილობრივ შეფეხებულია. შეფერხების მიზეზი მს „სამგორში“ მგზავრის მოულოდნელი გარდაცვალება გახდა. ადგილზე მიმდინარეობს საგამოძიებო პროცედურები, რის გამოც მეტროსადგურები „სამგორი“, „ისანი“ და „ვარკეთილი“ დაიკეტა მგზავრთა მიღებაზე. მატარებლები მგზავრებს ემსახურებიან მს „ახმეტელის თეატრიდან“ „300 არაგველამდე“ და პირიქით. პირველ ხაზზე მოძრაობა მას შემდეგ განახლდება, როდესაც შესაბამისი უწყება დაასრულებს საგამოძიებო პროცესს“, – აღნიშნულია განცხადებაში.