აზერბაიჯანელი ჟურნალისტის აფგან მუხტარლის მეუღლე საქართველოს მოქალაქეობის მიღებაზე უარს აცხადებს.
ლეილა მუსტაფაევას განცხადებით, ამით ის აზერბაიჯანის მოქალაქეობას დაკარგავს. მისი თქმით, ოჯახს ბინადრობის უფლების მიღება სურდა, თუმცა თავის დროზე უარი მიიღო იმ მოტივით, რომ ის და მისი მეუღლე საეჭვო საქმიანობას ეწეოდნენ.
„მე უარს ვამბობ საქართველოს მოქალაქეობის მიღებაზე. ეს ნიშნავს რომ მე უარი უნდა ვთქვა აზერბაიჯანის მოქალაქეობაზე, რაც არ მსურს. თუ მსურდა საქართველოს მოქალაქეობა, მე ამას ადრე გავაკეთებდი. გასულ წელს მე ბინადრობის უფლების მიღებაზე მივმართე ქართულ მხარეს, რაზეც მითხრეს, რომ თქვენ სახიფათო საქმეებით ხართ დაკავებული და ეს საქართველოს ინტერესებში არ შედისო. ახლა აღარ ვარ სახიფათო, რაც ჩემი ქმარი დაიჭირეს? არაა საჭირო შოუების მოწყობა, ჯობია სამართალდამცავებს მიმართონ რომ გამოიძიონ საქმე ისე როგორც საჭიროა“ – განაცხადა ლეილა მუსტაფაევამ.
ეს განცხადება მან პოლიციაში გამოკითხვის დასრულების შემდეგ გააკეთა.