რუსეთის პრეზიდენტმა, ვლადიმირ პუტინმა აშშ-ის ახალ სანქციებს „არამეგობრული აქტი“ უწოდა, რომელიც რუსეთ-ამერიკის ურთიერთობებს არ აძლიერებს.
„პოლიტიკურ ნაწილზე თუ ვიტყვით, ეს, რა თქმა უნდა, არამეგობრულია რუსეთის მიმართ, ეს აშკარაა. და ეს [აქტი] არ აძლიერებს რუსეთ-ამერიკის ურთიერთობებს, რომელიც ახლა იწყებდა აღდგენას“, – განუცხადა პუტინმა ჟურნალისტებს.
გუშინ აშშ-მა რუსეთის წინააღმდეგ სანქციების ახალი პაკეტი დააანონსა, რომლის ფარგლებშიც შეზღუდვები დაუწესდათ „როსნეფტს“, „ლუკოილს“ და მათ შვილობილ კომპანიებს.
გარდა ამისა, აშშ-ის პრეზიდენტმა, დონალდ ტრამპმა განაცხადა, რომ გააუქმა პუტინთან დაგეგმილი შეხვედრა ბუდაპეშტში, თუმცა მომავალში შეხვედრას აპირებს.
კომენტარები