რუსეთის პრეზიდენტმა, ვლადიმირ პუტინმა განაცხადა, რომ რუსეთი „ძალიან სერიოზულ“ პასუხს გასცემს, თუ ამერიკული Tomahawk-ის ტიპის რაკეტებით მის ტერიტორიაზე დარტყმები განხორციელდება.
„თუ ასეთი იარაღით განხორციელდება დარტყმები რუსეთის ტერიტორიაზე, პასუხი იქნება ძალიან ძლიერი. თუ არ ვიტყვით, რომ გამაოგნებელი. დაე, დაფიქრდნენ ამაზე“, – აღნიშნა მან.
რუსეთის პრეზიდენტმა უკრაინისთვის ასეთი რაკეტების მიწოდების შესაძლებლობის შესახებ საუბარს ესკალაციის მცდელობა უწოდა.
ჟურნალისტების შეკითხვაზე დონალდ ტრამპის მიერ ორმხრივი შეხვედრის გაუქმების შესახებ, პუტინმა ივარაუდა, რომ ტრამპმა მისი გადადება იგულისხმა.
მისი თქმით, ამერიკელ კოლეგასთან ბოლო საუბრისას, ამ უკანასკნელმა თავად შესთავაზა ბუდაპეშტში სამიტის ორგანიზება. რუსეთის ლიდერის თქმით, შეცდომა იქნებოდა ღონისძიებაზე მისვლა მომზადების გარეშე. მან ხაზი გაუსვა, რომ რუსეთი ყოველთვის მხარს უჭერდა დიალოგის გაგრძელებას.