პაკისტანში, ანტიტერორისტული კანონის მიხედვით, ისლამისტური პარტია „ტეჰრიკ-ე-ლაბაიკი“, იგივე პაკისტანის „თალიბანი“ აიკრძალა. ინფორმაციას ამის შესახებ „როიტერი“ ავრცელებს.
მედიის ცნობით, გადაწყვეტილება პაკისტანის მთავრობამ ერთხმად მიიღო. გადაწყვეტილების შესახებ ისლამაბადში პრემიერ-მინისტრმა შეჰბაზ შარიფმა განაცხადა.
იქამდე კი ქვეყნის შინაგან საქმეთა სამინისტრომ „ტეჰრიკ-ე-ლაბაიკის“ მიერ ჩადენილი ძალადობრივი და ექსტრემისტული საქმიანობის შესახებ ისაუბრა. შს მინისტრის თქმით, დაჯგუფებამ არაერთხელ გააღვივა არასტაბილურობა და ქაოსი ქვეყნის სხვადასხვა ნაწილში.
როგორც მედია წერს, პაკისტანის „თალიბანი“ აქამდე უკვე ერთხელ, 2021 წელს აკრძალეს, თუმცა მას შეზღუდვა ექვსი თვის შემდეგ მოუხსნეს იმ პირობით, რომ ის ძალადობრივი აქტივობისა და წესრიგის დარღვევისგან თავს შეიკავებდა.