ნატოს გენერალურმა მდივანმა, მარკ რუტემ განაცხადა, რომ ალიანსის მხარდაჭერა უკრაინისთვის შედეგს იძლევა.
რუტემ განცხადება ლონდონში გამართული „მსურველთა კოალიციის“ სამიტის შემდეგ მედიასთან საუბრისას გააკეთა.
ნატოს ხელმძღვანელმა სამიტს „ძალიან პროდუქტიული“ უწოდა და მოკავშირეების ინიციატივა მიესალმა, რომელიც უკრაინის დახმარების გაძლიერებას ისახავს მიზნად.
მისი თქმით, პუტინი უკრაინის ფრონტის ხაზზე „მცირე წინსვლას“ აღწევს, ხოლო „ასობით ათასი რუსი“ მისი აგრესიის მსხვერპლი ხდება.
„ბრძოლის ველზე განვითარებული მოვლენები აჩვენებს, რომ ჩვენი დახმარება უკრაინისთვის მუშაობს და ჩვენ ის უნდა გავაგრძელოთ“, – განაცხადა რუტემ.
გენერალური მდივნის შეფასებით, რუსეთის პრეზიდენტს „ფული, ჯარი და იდეები ელევა“ და რუსეთმა აგრესია დაუყოვნებლივ უნდა შეწყვიტოს.
კომენტარები