აშშ-ის ხაზინის დეპარტამენტმა სანქციები დაუწესა კოლუმბიის პრეზიდენტს, გუსტავო პეტროსა და მისი ოჯახის წევრებს, იმ მოტივით, რომ მისი მთავრობა ნარკომოვაჭრეებს ეხმარებოდა.
„პრეზიდენტმა პეტრომ ნარკოკარტელებს აყვავების საშუალება მისცა და უარი თქვა ამ აქტივობის შეჩერებაზე“, – განაცხადა აშშ-ის ხაზინის მდივანმა, სკოტ ბესენტმა.
კოლუმბია კოკაინის მსოფლიოში უმსხვილესი მწარმოებელი და ექსპორტიორია.
აშშ-ისა და გაეროს მონაცემებით, კოკაინის მარაგი მთელ მსოფლიოში ისტორიულ პიკზეა. გასულ შემოდგომაზე, გაერომ კოლუმბიის კოკაინის წლიური მოსავალი 3,000 ტონით შეაფასა, რაც დაახლოებით რვაჯერ მეტია, ვიდრე 2012 წელს იყო, როდესაც მისი აღკვეთის მცდელობები პიკს აღწევდა.
კომენტარები