უკრაინის შეიარაღებულმა ძალებმა რუსეთის ბელგოროდის ოლქში მდებარე წყალსაცავი დაბომბა, რის შედეგადაც კაშხალი გაიბზარა, და წყალმა გამოჟონვა დაიწყო. ინფორმაციას უკრაინის შეიარაღებული ძალების უპილოტო სისტემების სარდლობის მეთაური რობერტ ბროვდი, მეტსახელად მადიარი ავრცელებს.
მისი თქმით, უკრაინამ წყალსაცავი ორჯერ, 24 და 26 ოქტომბერს დაბომბა. ბელგოროდის ოლქის ხელისუფლება წყალსაცავთან მცხოვრებ ადამიანებს ევაკუაციისკენ მოუწოდებს, რადგან წყალდიდობის რისკი არსებობს.
როგორც მადიარი „ტელეგრამის“ საკუთარ არხზე წერს, ბელგოროდის წყალსაცავში წყლის დონე უკვე დაეცა 100 სანტიმეტრით. ადგილობრივი ხელისუფლება უკრაინას ტექნოგენური კატასტროფის მოწყობის მცდელობაში ადანაშაულებს.
კომენტარები