არგენტინის შუალედურ საპარლამენტო არჩევნებში მემარჯვენე ალიანსმა, „თავისუფლება წინ მიიწევს“ გაიმარჯვა, რომლის შემადგენლობაში ქვეყნის მოქმედი პრეზიდენტის, ხავიერ მილეის „ლიბერტარიანული პარტიაც“ შედის.
„ბიბისის“ ინფორმაციით, კოალიციამ ხმების 41% მოიპოვა, რაც ნიშნავს, რომ სენატის 24 ადგილიდან – 13-ის, ხოლო ქვედა პალატის 127 ადგილიდან 64-ის მოპოვება შეძლეს.
გამოცემის ინფორმაციით, არჩევნებში გამარჯვება მილეის საშუალებას მისცემს, საკუთარი წინასაარჩევნო დაპირებები განახორციელოს, რაც ბიუჯეტიდან დანახარჯების შემცირებასა და ეკონომიკის დერეგულაციას მოიცავს.
ცნობისთვის, დონალდ ტრამპი ხავიერ მილეის აქტიური მხარდამჭერია. კენჭისყრამდე აშშ-ის პრეზიდენტმა განაცხადა, რომ არგენტინისთვის ცოტა ხნის წინ გამოცხადებული 40 მილიარდი დოლარის გამოყოფა მილეის მიერ პოლიტიკური იმპულსის შენარჩუნებაზე იქნებოდა დამოკიდებული.