უკრაინის ეროვნულმა ანტიკორუფციულმა ბიურომ და სპეციალიზებულმა ანტიკორუფციულმა პროკურატურამ გამოავლინეს მასშტაბური კორუფციული სქემა, რომელიც უკრაინის თავდაცვის ძალებისთვის უპილოტო საფრენი აპარატების შესყიდვისას სახელმწიფო სპეციალური კავშირგაბმულობის სამსახურის თანამდებობის პირებისა და კერძო კომპანიების წარმომადგენლების მიერ იყო ორგანიზებული.
ანტიკორუფციული ბიუროს ინფორმაციით, სახელმწიფო სპეციალური კომუნიკაციების სამსახურმა დრონების შესაძენად 30 მილიარდი გრივნა მიიღო. დეპარტამენტის ერთ-ერთმა ხელმძღვანელმა ამ თანხის ნაწილის მითვისების გეგმა შეიმუშავა და დრონებს წინასწარ განსაზღვრული კომპანიებისგან გაზრდილ ფასად ყიდულობდა.
ბიუროს ინფორმაციით, სახელმწიფოს ზარალმა 90 მილიონი გრივნა შეადგინა. კორუფციული სქემის მონაწილეებმა ეს თანხა მათ მიერ კონტროლირებადი კომპანიების ანგარიშებზე გადაიყვანეს.