რუსეთმა ოდესაში მდებარე კერძო კომპანიის, DTEK-ის თბოელექტროსადგურზე იერიში მიიტანა. ინფორმაციას მის შესახებ უკრაინული მედია ავრცელებს.
მედიის ცნობით, იერიშის შედეგად დაშავებულია ერთი პირი.
როგორც კომპანიის პრესსამსახურში აცხადებენ, ენერგეტიკოსებმა კრიტიკული ინფრასტრუქტურის ობიექტებისა და საცხოვრებელი შენობების სარეზერვო ხაზებთან დაკავშირება შეძლეს, რის შედეგადაც 7 000 ოჯახს ელექტროენერგიის მიწოდება აღუდგა. კომპანიაში აღნიშნავენ, რომ თავდასხმის შედეგად მიყენებული ზიანი მნიშვნელოვანი იყო.
დაახლოებით 26 900 სახლი ისევ ელექტროენერგიის გარეშე რჩება.
კომენტარები