რუსეთის ლენინგრადის ოლქის დრონებისგან დაცვაში რეზერვისტები ჩაერთვებიან.
რუსული მედიის ინფორმაციით, ლენინგრადის ოლქის ხელისუფლება ქმნის სამხედრო ტიპის ფორმირებას, რომელმაც უნდა უზრუნველყოს რეგიონის დაცვა უპილოტო საფრენი აპარატების თავდასხმებისა და დივერსიებისგან.
რეგიონის გუბერნატორმა, ალექსანდრ დროზდენკომ განაცხადა, რომ პირველ ეტაპზე დანაყოფში 105 ადამიანის მიღება იგეგმება.
გამოცემის ინფორმაციით, დანაყოფი სახელწოდებით БАРС-47 გახდება პირველი ფორმირება, რომელიც იქმნება კანონპროექტის საფუძველზე. კანონპროექტი ითვალისწინებს რეზერვისტების ჩართვას კრიტიკულად მნიშვნელოვანი ობიექტების დაცვაში. აღნიშნული კანონპროექტის განხილვა რუსეთის სახელმწიფო დუმაში უახლოეს მომავალში იგეგმება.
კომენტარები