აშშ-ის დაზვერვა ვერ ხედავს ნიშნებს, რომ რუსეთი უკრაინის საკითხში კომპრომისისთვის მზად არის. ინფორმაციას NBC News-ი ამერიკელ მაღალჩინოსნებზე დაყრდნობით ავრცელებს.
ამერიკული სპეცსამსახურები მიიჩნევენ, რომ რუსეთის პრეზიდენტს ვლადიმერ პუტინს ახლა „მეტად ხისტი პოზიცია უკავია, ვიდრე ოდესმე“.
აშშ-ის კონგრესის ერთ-ერთი მაღალჩინოსნის განცხადებით, დაზვერვამ აცნობა სენატს, რომ რუსეთის ლიდერი „როგორც არასდროს უკრაინაში ომის გასაგრძელებლად და ბრძოლის ველზე გამარჯვების მისაღწევად მზადაა“. ამერიკის დაზვერვამ ვერ დაინახა ვერცერთი ნიშანი იმისა, რომ რუსეთი კომპრომისებისთვის მზად არის.
ამერიკული მედიის ცნობით, თეთრ სახლში დაზვერვის შეფასებების კომენტირებისგან თავი შეიკავეს.
კომენტარები