აშშ-მა რუსეთთან დაკავშირებული გენერალური ლიცენზია გასცა, რომელიც Rosneft Deutschland GmbH-ისა და RN Refining & Marketing GmbH-ის მონაწილეობით ტრანზაქციებს უშვებს. ამის შესახებ ნათქვამია სახაზინო დეპარტამენტის ვებსაიტზე გამოქვეყნებულ ინფორმაციაში.
Bloomberg News-ის ცნობით, ვაშინგტონი ბერლინისთვის ექვსთვიანი ვადის დაწესებას განიხილავდა, რათა რუსული ნავთობგიგანტის, Rosneft-ის გერმანული აქტივების გარშემო არსებული გაურკვევლობა მოგვარებულიყო.
Rosneft-ის გერმანული ბიზნესი, რომელიც რუსულ საკუთრებაშია, ამჟამად გერმანიის ხელისუფლების კონტროლქვეშ იმყოფება. ის საკვანძო მიმწოდებელია და ევროპის უმსხვილეს ეკონომიკაში ნავთობის გადამუშავებასა და ბენზინგასამართ სადგურებთან და ზოგიერთ აეროპორტთან მიწოდებას უზრუნველყოფს.
Rosneft-ის გერმანული განყოფილება, რომელიც მოიცავს წილებს Schwedt-ის, MiRo-სა და Bayernoil-ის ნავთობგადამამუშავებელ ქარხნებში, მთავრობის მეურვეობაში გადავიდა 2022 წელს, უკრაინაში რუსეთის სრულმასშტაბური შეჭრის შემდეგ.