აშშ-ის პრეზიდენტი დონალდ ტრამპი 8 ნოემბერს უნგრეთის პრემიერ-მინისტრ ვიქტორ ორბანს შეხვდება. ამის შესახებ ინფორმაციას „ბლუმბერგი“ წყაროებზე დაყრდნობით ავრცელებს.
როგორც გამოცემას წყარომ განუმარტა, შეერთებული შტატების პრეზიდენტისა და უნგრეთის პრემიერ-მინისტრის შეხვედრის ადგილი ამ ეტაპზე დაზუსტებული არ არიან.
„ბლუმბერგის“ ინფორმაციით, მოლაპარაკების მთავარი თემა, სავარაუდოდ, შეერთებული შტატების მიერ რუსულ ნავთობზე დაწესებული სანქციების გავლენა იქნება უნგრეთის ეკონომიკაზე.
მანამდე ვიქტორ ორბანმა განაცხადა, რომ მუშაობს გზებზე, როგორ აუაროს გვერდი რუსული ნავთობკომპანიების წინააღმდეგ აშშ-ის სანქციებს.
ცნობისთვის, აშშ-ის სახაზინო დეპარტამენტმა რუსეთის ორ უმსხვილეს ნავთობკომპანიას, „როსნეფტსა“ და „ლუკოილს“ სანქციები დაუწესა. გარდა ამისა, სანქციები დაწესდა „როსნეფტისა“ და „ლუკოილის“ შვილობილ კომპანიებზეც. როგორც აშშ-ის ხაზინის უცხოური აქტივების კონტროლის ოფისის განცხადებაშია აღნიშნული, ახალი სანქციები მიზნად ისახავს რუსეთის ენერგეტიკულ სექტორზე ზეწოლის გაზრდას და კრემლის შესაძლებლობების შეზღუდვას, ომის გასაგრძელებლად შემოსავალი მიიღოს.