ისრაელის არმიამ ლიბანის რამდენიმე ქალაქში სამხედრო ოპერაცია ჩაატარა.
ისრაელის თავდაცვის ძალების ინფორმაციით, ოპერაცია ჩატარდა ქალაქ ბლიდაში, რომელიც მიზნად ისახავდა „ჰეზბოლას“ ინფრასტრუქტურის განადგურებას.
რეიდის დროს ჯარებმა შენობაში, რომელიც, ლიბანური მედიის ცნობით, ბლიდას მუნიციპალიტეტის შენობა იყო, ეჭვმიტანილი ამოიცნეს და მისი დაკავების პროცედურა დაიწყეს.
გავრცელებული ცნობით, სროლის შედეგად მუნიციპალური თანამშრომელი დაიღუპა.
ასევე ვრცელდება ცნობები, რომ ისრაელმა იერიში მიიტანა ლიბანის ქალაქ ჯარმაქზეც.
ისრაელის თავდაცვის ძალებმა დაადასტურეს, რომ სამხრეთ ლიბანში საჰაერო დარტყმები განახორციელეს და განაცხადეს, რომ სამიზნე „ჰეზბოლას“ ინფრასტრუქტურა იყო. სამიზნეებს შორის იყო რაკეტების გამშვები და „ჰეზბოლას“ კუთვნილი გვირაბის შახტა.
კომენტარები