რუსეთის შეიარაღებულმა ძალებმა უკრაინაში დონეცკის ოლქში მდებარე ქალაქი სლოვიანსკი დაბომბა, რის შედეგადაც სამი ადამიანი დაიღუპა. ინფორმაციას ქალაქის სამხედრო-საოლქო ადმინისტრაციის უფროსი ვადიმ ლიახი ავრცელებს.
მისი თქმით, მტერმა ქალაქი ზალპური ცეცხლის რეაქტიული სისტემებით დაბომბა. დაიბომბა სლოვიანსკის ლესნოის მიკრორაიონი, ოლიმპიური და 95-ე ბრიგადის ქუჩები.
დაბომბვის შედეგად დაზიანებულია მრავალსართულიანი კორპუსები, კერძო სახლები და ავტომობილები.
კომენტარები