კარიბის ზღვის ქვეყნებში ქარიშხალ „მელისას“ მსხვერპლთა რიცხვმა 50-ს გადააჭარბა. ინფორმაციას ამის შესახებ „როიტერი“ ავრცელებს.
მედიის ცნობით, „მელისა“ ბოლო წლების ყველაზე ძლიერი ქარიშხალია, რომელიც კარიბის ზღვის ქვეყნებს დაატყდა თავს. სტიქიამ გამანადგურებელი შედეგი მოუტანა იამაიკას, კუბასა და ჰაიტის.
ოფიციალური ინფორმაციით, „მელისას“ მიერ მიყენებულმა ზარალმა 48-დან 52 მილიარდ დოლარამდე შეადგინა.
იამაიკაში სტიქიას, სულ მცირე, 19 ადამიანი ემსხვერპლა, 462 000-ზე მეტი კი, ელექტროენერგიის გარეშეა დარჩენილი. ჰაიტიში კოკისპირულ წვიმებს, სულ მცირე, 31 ადამიანი ემსხვერპლა, 20 კი დაკარგულად ითვლება.
მედიის ცნობით, პარასკევს საღამოს ქარიშხალი შედარებით დასუსტდა.
კომენტარები