დონეცკის ოლქში, პოკროვსკში უკრაინის თავდაცვის სამინისტროს მთავარი სადაზვერვო სამმართველოს მონაწილეობით სტაბილიზაციის ოპერაციები გრძელდება. ინფორმაციას ამის შესახებ უკრაინული მედია ქვეყნის მთავარ სადაზვერვო სამმართველოზე დაყრდნობით ავრცელებს.
მათივე ცნობით, რუსეთის თავდაცვის სამინისტრომ გაავრცელა ცრუ ინფორმაცია, რომლის მიხედვითაც, პოკროვსკთან ახლოს რუსულმა შენაერთებმა უკრაინის სპეციალური ოპერაცია ჩაშალეს და ვერტმფრენში მყოფი 11 უკრაინელი მოკლეს.
უკრაინის თავდაცვის სამინისტროს მთავარი სადაზვერვო სამმართველო ასევე აცხადებს, რომ პოკროვსკის ცალკეულ რაიონში სტაბილიზაციის ოპერაციები ამ დროისთვისაც მიმდინარეობს.
„ეს ინფორმაცია ისეთივე სიცრუეა, როგორც გერასიმოვის მიერ პუტინისთვის რამდენიმე დღის წინ მიცემული ინფორმაცია, რომ პოკროვსკი ალყაში იყო მოქცეული“, – ნათქვამია განცხადებაში.