აშშ-ის სამხედრო-საჰაერო ძალებმა წყნარ ოკეანეში ნარკოტიკების კონტრაბანდაში ჩართული ორი გემი დაბომბა და ჩაძირა. ინფორმაციას ამერიკის თავდაცვის მდივანი პიტ ჰეგსეტი სოციალურ ქსელ X-ში ავრცელებს.
„გუშინ პრეზიდენტ ტრამპის მითითებით ორ გემზე, რომლებიც ტერორისტულ ორგანიზაციებს ეკუთვნოდნენ, ლეტალური დარტყმა მივიტანეთ. ჩვენი დაზვერვისთვის ცნობილი გახდა, რომ აღნიშნული გემები ნარკოტიკების უკანონო კონტრაბანდას ეწეოდნენ წყნარი ოკეანის აღმოსავლეთ ნაწილში, ცნობილი მარშრუტის გავლით“, – დაწერა ჰეგსეტმა.
მისი განცხადებით, დარტყმები საერთაშორისო წყლებში მოხდა. თითო გემში სამი ადამიანი იმყოფებოდა. ექვსივე დაიღუპა. ოპერაციის დროს არცერთი ამერიკელი ჯარისკაცი არ დაშავებულა.
კომენტარები