ყაზახეთის პარლამენტის ქვედა პალატამ ლგბტ პროპაგანდის ამკრძალავი კანონი მიიღო. ინფორმაციას Reuters-ი ავრცელებს.
სააგენტოს ცნობით, კანონი მედიასა და ინტერნეტში ლგბტ პროპაგანდას კრძალავს. კანონის დამრღვევებს ჯარიმა ემუქრებათ. თუ ადამიანი ხელმეორედ ჩაიდენს დანაშაულს, მას 10-დღიანი ადმინისტრაციული პატიმრობა დაეკისრება.
ახლა კანონს ყაზახეთის პარლამენტის სენატი განიხილავს. მოსალოდნელია, რომ ზედა პალატა მას დაამტკიცებს, რის შემდეგაც ის ხელმოსაწერად ქვეყნის პრეზიდენტს ყასიმ-ჟომარტ თოყაევს გადაეგზავნება.
Reuters-ის ინფორმაციით, თოყაევი უკანასკნელი რამდენიმე თვის განმავლობაში საუბრობდა, რომ ქვეყანამ „ტრადიციული ფასეულობები“ უნდა დაიცვას.
კომენტარები