აშშ-ში დაკავებული დანაშაულებრივი ჯგუფის ერთ-ერთ ქართველ წევრს, 26 წლის ნიკოლოზ ჯიქიას უვადო პატიმრობა ემუქრება.
მას ბრალად განზრახ მკვლელობა და მსჯავრდებულისათვის იარაღის მიყიდვა ედება.
აშშ-ში გამოვლენილ “რუსული კრიმინალურ სინდიკატს” ე.წ. კანონიერი ქურდები 40 წლის რაჟდენ შულაია და 37 წლის ზურაბ ჯანაშვილი ხელმძღვანელობდნენ. საქმეზე 27 პირი ფიგურირებს, 24 მათგანი უკვე დაკავებულია და ბრალი წაყენებული აქვთ. კრიმინალებს შეკვეთილ მკვლელობას, თაღლითობას, ძარცვას, გამომძალველობას, მოპარული სიგარეტებით და სხვა ნივთებით ვაჭრობას, 5 ტონა შოკოლადის კანფეტის მიტაცებას, ნარკოტიკებით ვაჭრობას და არალეგალური სათამაშო სახლებისა და კლუბების ფლობას ედავებიან.
პოსტსაბჭოთა სივრციდან ეს ყველაზე დიდი დანაშაულებრივი ჯგუფია, რომელიც ამერიკაში ოდესმე გამოავლენილა.
არსებული ინფორმაციით, დაკავებულთაგან 15 ქართველია, მათ შორის ერთიცნობილი მოკრივე ავთანდილ ხურციძე სახელდება.