მორიგი სპეკულაცია მიწების გასხვისებაზე სრულიად აბსურდული ნაწილია, უბრალოდ ლოგიკას არ ექვემდებარება, – აცხადებს „ბიზნეს ინსაიდერ საქართველოს“ დამფუძნებელი, გიორგი აბაშიშვილი „იმედის კვირასთან“.
აბაშიშვილი ეხმიანება „ლელოს“ გენერალური მდივნის, ირაკლი კუპრაძის მიერ, „იგლ ჰილსის“ ინვესტიციასთან დაკავშირებით გაკეთებულ განცხადებას, რომ მას აქვს ინფორმაცია, თითქოს აღნიშნულ ტერიტორიაზე იგეგმება მეჩეთების მშენებლობა.
„ამ პარტიის [„ლელოს“] ხელმძღვანელები იყვნენ, რომლებიც ანაკლიის პორტის შემთხვევაში მკაცრად ითხოვდნენ ხელშეკრულების გასაიდუმლოებას. აღმოჩნდა, რომ ბევრი რამე იყო დასამალი, რადგან ჯამში ჩვენ მივიღეთ თაღლითური ხელშეკრულება. თაღლითური ხელშეკრულების დამმალავები ახლა საუბრობენ იმის გასაჯაროებაზე, რაც ისედაც გასაჯაროებულია. მათ შორის მოგების კონკრეტული ცვლადი ნაწილებია გამოტანილი. ინვესტიციიდან უკუგება, ერთის მხრივ პირდაპირი შემოსავლები, მეორეს მხრივ შემოსავლები მოგებიდან და მესამეს მხრივ ჯამური ეფექტი პროექტის მთლიან ღირებულებაზე.
მორიგი სპეკულაცია მიწების გასხვისებაზე სრულიად აბსურდული ნაწილია, უბრალოდ ლოგიკას არ ექვემდებარება. პირიქით, ეს არის უმნიშვნელოვანესი ნაბიჯი სახელმწიფოს მხრიდან, რომ ჯერ შემოიყვანა „იგლ ჰილსი“ და შემდეგ მოახერხა, შეძლო ერთობლივად კომპანიის შექმნა“, – აღნიშნა აბაშიშვილმა