ხარკოვზე მიტანილ რუსეთის მასირებულ იერიშებს ოთხი ადამიანის სიცოცხლე ემსხვერპლა, 13 კი დაშავდა, – ამის შესახებ ინფორმაციას უკრაინული მედია ავრცელებს.
მედიის ინფორმაციით, დაშავებულებს შორის ორი ბავშვია.
გავრცელებული ცნობით, ექვს ლოკაციაზე 15 დარტყმა განხორციელდა, დრონებით თავდასხმის შედეგად ხანძარი გაჩნდა და კერძო სახლი დააზიანა. მასშტაბური თავდასხმის შედეგად დაზიანებულია ხარკოვის ენერგეტიკული ინფრასტრუქტურა და გათბობის ქსელი. ასევე დაზიანებულია სატრანსფორმატორო ქვესადგური და განადგურებულია სამი საცხოვრებელი შენობა.
აფეთქებების სერია იყო იზმაილის რაიონსა და ოდესის ოლქის ქალაქ იზმაილშიც. დრონების საფრთხის გამო რეგიონში საჰაერო განგაში იყო გამოცხადებული.
ამასთან, ჩერნიგოვის რეგიონში რუსეთის მიერ განხორციელებული თავდასხმების შედეგად კი, ორი ადამიანი დაშავდა.