კიშინეუში, პარტიების უკანონო დაფინანსებისა და განსაკუთრებით დიდი ოდენობით ფულის გათეთრების საქმის გამოძიების ფარგლებში, ჩხრეკა ჩატარდა.
ამის შესახებ ინფორმაციას მოლდოვური მედია პოლიციის გენერალურ ინსპექტორატზე დაყრდნობით ავრცელებს.
უწყების ცნობით, სამართალდამცველები იძიებენ ერთ-ერთი პოლიტიკური პარტიის წესდებისა და ხელმძღვანელობის შეცვლისა და დაფინანსების კანონიერებას.
ამასთან, სამართალდამცველები არ ასახელებენ არც პოლიტიკურ ძალას, რომლის მიმართაც მიმდინარეობს გამოძიება.
გამოძიების ფიგურანტებს შორის, პარტიის ყოფილი ლიდერია, რომელიც მოლდოვის წინა მთავრობების დროს მინისტრის პოსტს იკავებდა. თუმცა, პოლიცია მის სახელს არ აკონკრეტებს.
კომენტარები