თუ დააკვირდებით, როგორ ვითარდება ახლა ყველაფერი, ყველაფერი ერთი მიმართულებით მიდის, ასე რომ, ეს მიწა ისედაც შეიძლება აღმოჩნდეს რუსეთის ხელში რამდენიმე თვეში, – განაცხადა აშშ-ის პრეზიდენტმა, დონალდ ტრამპმა.
„მაშ, რა გსურთ, იბრძოლოთ და დაკარგოთ კიდევ 50-60 ათასი ადამიანი? თუ გსურთ, ახლავე მოიმოქმედოთ რამე? ზოგიერთ შემთხვევაში მიწა საპირისპირო მიმართულებითაც მიდის. ისინი მოლაპარაკებებს აწარმოებენ, მათ სურთ ამის დასრულება. თქვენ გსურთ მიიღოთ საზღვარი. მაგრამ არ შეიძლება გქონდეთ საზღვარი, რომელიც გადის გზატკეცილის შუაში ან ქალაქის ცენტრში. ეს არ გამოვა. ასე რომ, ეს არის ხანგრძლივი და რთული პროცესი, და ეს ძალიან სამწუხაროა, რადგან ამდენი ადამიანი შეიძლება დაიღუპოს“, – აღნიშნა დონალდ ტრამპმა.
კითხვაზე, თუ რა დათმობებზე მოუწევს წასვლა რუსეთს, ტრამპმა ხაზგასმით აღნიშნა, რომ მოსკოვი „ნამდვილად მიდის დათმობებზე“.
„ისინი აღარ იბრძოლებენ და აღარ აიღებენ მეტ ტერიტორიებს“, – დასძინა მან.