უკრაინა არ დათმობს თავის ტერიტორიებს მშვიდობის მიღწევის სანაცვლოდ. ასეთი განცხადება გააკეთა უკრაინის პრეზიდენტის ოფისის ხელმძღვანელმა, ანდრიი ერმაკმა The Atlantic-ისთვის მიცემულ ინტერვიუში.
„დღეს არცერთი საღად მოაზროვნე ადამიანი არ მოაწერს ხელს ტერიტორიების დათმობის შესახებ დოკუმენტს. სანამ ზელენსკი არის პრეზიდენტი, არავინ უნდა ელოდოს, რომ ჩვენ ტერიტორიებს დავთმობთ. ის ხელს არ მოაწერს ტერიტორიების დათმობის შესახებ დოკუმენტს. კონსტიტუცია კრძალავს ამას. ვერავინ შეძლებს ამის გაკეთებას, თუ არ სურს, რომ წავიდეს უკრაინის კონსტიტუციისა და უკრაინელი ხალხის წინააღმდეგ“, – აღნიშნა უკრაინის პრეზიდენტის ოფისის ხელმძღვანელმა.
მისი თქმით, უკრაინა მზად არის განიხილოს მხოლოდ ის, თუ სად უნდა გაივლოს ხაზი, რომელიც ომის მხარეების მიერ კონტროლირებად ტერიტორიებს გაყოფს.
„ყველაფერი, რაზეც ახლა რეალურად შეგვიძლია საუბარი, არის შემხები ხაზის განსაზღვრა. და ეს არის ის, რაც უნდა გავაკეთოთ“, – დასძინა მან.