სამხრეთ-აღმოსავლეთ აზიის ქვეყნებში წყალდიდობისა და მეწყრული პროცესის შედეგად დაღუპულთა რიცხვმა 600-ს გადააჭარბა.
„ბიბისის“ ინფორმაციით, მუსონურმა წვიმებმა რეგიონში ბოლო წლების განმავლობაში ყველაზე ძლიერი წყალდიდობა გამოიწვია, რამაც მილიონობით ადამიანი დააზარალა ინდონეზიაში, მალაიზიაში, ტაილანდსა და შრი ლანკაში. ასობით ადამიანი კვლავ დაკარგულად ითვლება, დაღუპულთა რიცხვი, სავარაუდოდ, გაიზრდება. ათასობით ადამიანი კვლავ უსახლკაროდ რჩება.
ამ დროისათვის არსებული მონაცემებით, ინდონეზიაში სტიქიას 300-ზე მეტი ადამიანი ემსხვერპლა, კიდევ დაახლოებით 300 კი დაკარგულად ითვლება. ტაილანდში წყალდიდობის შედეგად 160-ზე მეტი ადამიანი დაიღუპა.
შრი ლანკაში, რომელსაც თავს ციკლონი „დივა” დაატყდა თავს, სულ მცირე, 130-ზე მეტი ადამიანი დაიღუპა და დაახლოებით 170 დაკარგულად ითვლება. სტიქიამ განსაკუთრებით მძიმე შედეგები შრი ლანკის აღმოსავლეთ და ცენტრალურ რეგიონებში გამოიწვია. კატასტროფების მართვის ცენტრის ინფორმაციით, ქვეყნის მასშტაბით თითქმის 44 000 ადამიანი დაზარალდა.