უკრაინის პრეზიდენტი ვოლოდიმირ ზელენსკი ორშაბათს პარიზში ემანუელ მაკრონს შეხვდება. ინფორმაციას საფრანგეთის პრეზიდენტის ადმინისტრაცია ავრცელებს.
ელისეის სასახლის მიერ გავრცელებულ განცხადებაში ნათქვამია, რომ ორი ლიდერი ჟენევაში გამართული მოლაპარაკებებისა და ამერიკული სამშვიდობო გეგმის შემდეგ „სამართლიანი და მდგრადი მშვიდობის პირობებს“ განიხილავს. მაკრონის ადმინისტრაციის ცნობითვე, შეხვედრაზე ასევე, განიხილება უკრაინის უსაფრთხოების გარანტიები „მსურველთა კოალიციის“ ფარგლებში.
ზელენსკი ბოლოს პარიზში ოფიციალური ვიზიტით 17 ნოემბერს იმყოფებოდა, რა დროსაც პრეზიდენტებმა ხელი მოაწერეს შეთანხმებას, რომლის მიხედვითაც, უკრაინა საფრანგეთისგან 100-მდე Rafale გამანადგურებელს შეიძენს.
კომენტარები