ჰონგ-კონგში აზიაში ყველაზე მსხვილი მუსიკალური დაჯილდოების ცერემონია MAMA Awards 2025 გაიმართა. ორდღიანი ღონისძიება ჰონგ-კონგის ერთ-ერთ საცხოვრებელ კომპლექსში ხანძრის გამო მოკრძალებულად ჩატარდა – კერძოდ, გაუქმდა წითელ ხალიჩაზე ვარსკვლავების გასვლა და რამდენიმე საკონცერტო ნომერი.
თუმცა, შემსრულებლების ძირითადი ნაწილი მაყურებლის წინაშე მაინც წარდგა, ჯილდოები კი სხვადასხვა ნომინაციაში დარიგდა.
G-Dragon-მა 4 ნომინაციაში გაიმარჯვა: „წლის არტისტი“, „საუკეთესო კაცი შემსრულებელი“, „კაცის საუკეთესო სოლო შესრულება“ და „ფანების არჩევანის“ ტოპ 10-ში შევიდა.
კიდევ ერთი მთავარი ჯილდო ნომინაციაში „წლის ალბომი“ გამარჯვებისთვის ჯგუფ Stray Kids-ს გადაეცა, ნამუშევრისთვის KARMA, რომელმაც რამდენიმე რეკორდი დაამყარა.
წლის სიმღერად როზესა და ბრუნო მარსის დუეტი APT დასახელდა.