არა მგონია, რომ ამ ომის შემდეგ უკრაინისგან ბევრი დარჩეს და არა მგონია რომ ვინმე მის აღდგენას აპირებდეს, – განაცხადა გადაცემაში „თბილისის დროით“ კოლუმბიის უნივერსიტეტის მდგრადი განვითარების ცენტრის დირექტორმა, პროფესორმა ჯეფრი საქსმა.
გაყინული რუსული აქტივების თემაზე გადაცემის წამყვანმა, ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა აღნიშნა: „ბელგიის ხელისუფლება ეწინააღმდეგება გაყინული რუსული აქტივების გამოყენებას, ამავეს ფიქრობს ევროპის ცენტრალური ბანკი. ევროპას ფული შემოაკლდა, ომი კი უკრაინაში გრძელდება. ამავე დროს ევროპას ხარჯი ექნება ომი ხვალვე რომ დასრულდეს“.
პასუხად ჯეფრი საქსმა თქვა, რომ რუსულ აქტივებს ამ თვალსაზრისით არავინ გამოიყენებს, გაყინულ რუსულ აქტივებზე შეხება ევროკავშირის, როგორც საერთაშორისო ფინანსური ფიგურის დასასრული იქნება.
„ეს განცხადება თავად ამ გაყინული აქტივების ამჟამინდელმა მფლობელმა Euroclear-მა გააკეთა, ასევე ბელგიის ხელისუფლებამაც, იმავე აზრზეა ევროპის ცენტრალური ბანკი. ურსულა ფონ დერ ლაიენი ჭკუასუსტია! მე შემინდეთ, მაგრამ ფიგურა, რომელმაც ადგილობრივი არჩევნებიც კი ვერ მოიგო და მაინც ევროკავშირის სათავეშია, ადამიანი, რომელიც ამდენი გაუგებარი გადაწყვეტილების ავტორია – ეს საოცარია! კიდევ უფრო გასაოცარია, რომ ევროპულმა საბჭომ ის მეორე ვადით დატოვა ევროკომისიის პრეზიდენტად. არ ვიცი, ეს ხალხი ევროპის განადგურებას ცდილობს ასე?! არავითარი სტრატეგია მათ არ აქვთ“, – აღნიშნა ჯეფრი საქსმა.