ღაზის სექტორთან დაკავშირებით პრეზიდენტ ტრამპის სამშვიდობო გეგმის პირველი ფაზა დასასრულს უახლოვდება, – განაცხადა ბენიამინ ნეთანიჰუმ იერუსალიმში გერმანიის კანცლერ ფრიდრიხ მერცთან შეხვედრის შემდეგ გამართულ პრესკონფერენციაზე.
„განვიხილავთ, როგორ დავასრულოთ „ჰამასის“ მმართველობა ღაზაში, რადგან ეს ღაზისთვის ახალი მომავლის უზრუნველყოფის არსებითი ნაწილია და ჩვენთვისაც, როგორც იცით , პირველი ნაწილი დავასრულეთ. ძალიან მალე მეორე ფაზაზე გადავალთ, რაც უფრო რთულია. ის მოიცავს რომ ჰამასი არა მხოლოდ ცეცხლის შეწყვეტის შეთანხმებას, არამედ განიარაღების შესახებ აღებულ ვალდებულებასაც შეასრულებს. რაც შეეხება ორი სახელმწიფოს საკითხს, ამაზე განსხვავებული პოზიცია გვაქვს. პალესტინელებს უკვე ჰქონდათ დე-ფაქტო სახელმწიფო ღაზაში, და ის ებრაული სახელმწიფოს განადგურების მცდელობისთვის გამოიყენეს. ჩვენ არ ვაპირებთ შევქმნათ სახელმწიფო, რომელიც ჩვენს განადგურებას აპირებს“, – განაცხადა ნეთანიაჰუმ.
ისრაელისა და გერმანიის ლიდერები თანხმდებიან, რომ დაუშვებელია რომ სექტორს „ჰამასი“ აკონტროლებდეს, თუმცა ნეთანიაჰუსა და მერცს განსხვავებული პოზიციები აქვთ დასავლეთ სანაპიროს ანექსიასთან დაკავშირებით.
„ჩვენ ვაგრძელებთ მშვიდობისთვის დიპლომატიურ ძალისხმევას. ეჭვგარეშეა, „ჰამასს“ არ შეუძლია რაიმე როლის შესრულება ღაზაში. „ჰამასი“ აღარ უნდა წარმოადგენდეს საფრთხეს ისრაელისთვის. ჩვენ არ უნდა განვახორციელოთ მოკლევადიანი ქმედებები ან ვიფიქროთ მოკლევადიან პერსპექტივაზე. რეგიონში ახალ წესრიგს უნდა ჩავუყაროთ საფუძველი, რომელშიც ისრაელელები, პალესტინელები და არაბი მეზობლები ხანგრძლივ მშვიდობაში, თავისუფლებაში, უსაფრთხოებაში ცხოვრებას შეძლებენ. ჩვენი აზრით, დასავლეთ სანაპიროზე ანექსიისკენ არანაირი ნაბიჯი არ უნდა გადაიდგას. არანაირი ფორმალური, პოლიტიკური, სტრუქტურული ან სხვა ზომები, რომლებიც ანექსიას უტოლდება“, – აღნიშნა მერცმა.
შეხვედრის შემდეგ ცნობილი გახდა ისიც, რომ თვის ბოლოს ბენიამინ ნთანიაჰუ ღაზის სექტორში საბოლოო მშვიდობისა გამყარებისთვის ყველა შესაძლებლობის განხილვას და ანკლავში „ჰამასის“ მმართველობის დასრულებას ვაშინგტონში დონალდ ტრაპთან შეხვედრაზე განიხილავს. ბენიამინ ნეთანიაჰუ ისრაელის პრემიერ-მინისტრი.