ჩეხეთის პრეზიდენტმა პეტერ პაველმა ქვეყნის პრემიერ-მინისტრის თანამდებობაზე საპარლამენტო არჩევნებში გამარჯვებული პარტია ANO-ს ლიდერი, მილიარდერი ანდრეი ბაბიში დანიშნა. ინფორმაციას Reuters-ი ავრცელებს.
როგორც სააგენტო იუწყება, მიმდინარე თვეს ბაბიში მთავრობის ახალ შემადგენლობას პარლამენტს დასამტკიცებლად წარუდგენს.
ჩეხეთში 3-4 ოქტომბერს საპარლამენტო არჩევნები ჩატარდა. არჩევნების შედეგად, ბაბიშის პარტიას ANO-ს („უკმაყოფილო მოქალაქეთა აქცია“) მხარი ამომრჩეველთა 34,51%-მა დაუჭირა. პოლიტიკურმა გაერთიანებამ არჩევნებში პირველი ადგილი დაიკავა.
ბაბიშს ჩეხეთის პრემიერის თანამდებობა 2017-2021 წლებშიც ეკავა.
კომენტარები