უკრაინის პრეზიდენტი ვოლოდიმირ ზელენსკი აცხადებს, რომ მზადაა, ქვეყანაში არჩევნები ჩაატაროს. ამის შესახებ ზელენსკიმ იტალიაში ვიზიტის დროს, იტალიურ გამოცემას განუცხადა.
ჟურნალისტებმა ზელენსკის სთხოვეს, კომენტარი გაეკეთებინა დონალდ ტრამპის განცხადებასთან დაკავშირებით.
„მე ყოველთვის მზად ვარ არჩევნებისთვის“, – განუცხადა ზელენსკიმ ჟურნალისტებს.
ცნობისთვის, დონალდ ტრამპმა „პოლიტიკოსთან“ ინტერვიუში განაცხადა, რომ უკრაინაში საპრეზიდენტო არჩევნების ჩატარების დრო დადგა.
„დიახ, ვფიქრობ, ამის დრო დადგა. ვფიქრობ, არჩევნების ჩატარებისთვის მნიშვნელოვანი დროა. ისინი ომს იყენებენ არჩევნების თავიდან ასარიდებლად, მაგრამ ვფიქრობ, უკრაინელ ხალხს ეს არჩევანი უნდა ჰქონდეს. და შესაძლოა, ზელენსკიმ გაიმარჯვოს. არ ვიცი, ვინ გაიმარჯვებს, მაგრამ მათ დიდი ხანია, არჩევნები არ ჩაუტარებიათ. იცით, ისინი დემოკრატიაზე საუბრობენ, მაგრამ საქმე იმ წერტილამდე მიდის, სადაც დემოკრატია აღარ არის“, – აღნიშნა დონალდ ტრამპმა ინტერვიუში.