აშშ სისხლის სამართლის საერთაშორისო სასამართლოს სანქციებით ემუქრება იმ შემთხვევაში, თუ არ იქნება პირობა, რომ დონალდ ტრამპისა და მისი მაღალჩინოსნების წინააღმდეგ მომავალში სამართლებრივ დევნა არ დაიწყება. ტრამპის ადმინისტრაციას სურს, რომ სისხლის სამართლის საერთაშორისო სასამართლომ შეცვალოს რომის სტატუტისსადამფუძნებლო დოკუმენტი, რათა უზრუნველყონ, რომ არ მოხდება გამოძიების დაიწყება გამოძიებას დონალდ ტრამპისა და მისი მაღალჩინოსნების წინააღმდეგ.
როგორც „როიტერი“ ტრამპის ადმინისტრაციის წარმომადგენელზე დაყრდნობით წერს, რომელმაც ანონიმურად დარჩენა ისურვა, თუ სასამართლო არ შეასრულებს აშშ-ს ამ და კიდევ ორ მოთხოვნას, მათ შორის ისრაელის ლიდერების წინააღმდეგ ღაზაში ომის გამო გამოძიების შეწყვეტას და გამოძიების ოფიციალურად შეწყვეტას ამერიკულ შეიარაღებული ძალების წინააღმდეგ ავღანეთში მათ მოქმედებებთან დაკავშირებით – ვაშინგტონმა შესაძლოა, სანქციები დაადოს ორგანოს მაღალჩინოსნებს და ასევე თავად სასამართლოსაც.
აშშ-ში მიაჩნიათ, რომ ასეთი გამოძიებებით სასამართლო არღვევს მათ სუვერენიტეტს.
აღსანიშნავია, რომ სისხლის სამართლის საერთაშორისო სასამართლოს დაკავების ორდერები აქვს გამოცემული ისრაელის პრემიერ-მინისტრის, ბენიამინ ნეთანიაჰუს, თავდაცვის ყოფილი მინისტრის, იოავ გალანტისადა „ჰამასის“ ლიდერის, იბრაჰიმ ალ-მასრის სახელზე ღაზის კონფლიქტში ჩადენილი სამხედრო დანაშაულების გამო.
2020 წლის მარტში კი, პროკურორებმა გამოძიება დაიწყეს ავღანეთში ამერიკული არმიის მიერ ჩადენილ შესაძლო დანაშაულებთან დაკავშირებით. ამ ბრალდებების მოსახსნელად აშშ-მა სისხლის სამართლის საერთაშორისო სასამართლოს ცხრა წევრს სანქციები დაუწესა, მათ შორის მოსამართლეებსა და პროკურორებს. თუმცა, აშშ-ში შიშობენ, რომ 2029 წელს სისხლის სამართლის საერთაშორისო სასამართლოს ყურადღება დონალდ ტრამპისკენ იქნება მიმართული.
ტრამპის ადმინისტრაციის წარმომადგენელს არ უთქვამს, კონკრეტულად რომელი საკითხები აღელვებს ადმინისტრაციას, რომლითაც შესაძლოა, გამოძიება დაინტერესდეს. აშშ-ს ძალისხმევა შეცვალოს რომის სტატუტი, რათა დაკმაყოფილდეს მათი მოთხოვნა, ნელი და რთული პროცესი იქნება და ქვეყნების ორი-მესამედის მხარდაჭერას საჭიროებს.